Dear大家, 
o係依一兩日真係收到好多唔同人既稱讚，當中有分店的同事，參賽者的親朋戚友，甚至有部門的主管。佢地既稱讚令我感到我地彼此之間係有強大的Synergy去做好每一項活動。而一個美滿既節目，全賴你們在背後的默默的付出，全程投入及滿腔的熱誠。對我來說，有你們這一班好同伴，已為今年N-Joy Music劃上一個完美句號。在此，好希望多謝大家半年來的努力。 Jolly: 你對我o既信任並將上年的經驗教授給我，使今年比賽更勝一籌。好多謝你在背後不停的鼓勵及提醒，每一次開會都讓我們更進一步，最重要是你的意見及構思真係令我對整個活動更加清晰。而起比賽當晚，你擔任節目總監，真係幫我解決左好多technnical既問題。多謝你。 Yvonne: 我的好副主席, 多謝你不嫌我煩，不停為我們整準備一D複雜既道具，繁複既小勞作呢！如若沒有你的小主意，舞台就會變得冷冷清清。昨天你真的說得很好，後台工作人員係好重要，有你帶領我真係好放心。感覺到你有一夫當關的奇妙力量呀！ Cary: 真係好感謝你能配合我們一些精細既工作，你既主動承擔為大家減少很多工作，眼見你與Annie合拍程度真係好勁呀，就係有你地兩個默默耕耘先有咁好既演出。相比我說，你地真你好Detail-Minded。 Annie: 每一次開會你都好細心同好留心將所有重要資料留底，你做得好好呀~最令我深刻就係你好有責任感同好有交帶呀~我地好放心交俾你呀~ Bo: 雖然你成日都好無信心，但係我覺得你真係做得好好。雖然今次無咩機會同你去Site Visit，但係你同Cary次次都可以幫我地做足聯繫，已經令個Function好順利。有好多同事偷偷同我講，你真係好有做戲天份，如果當初無邀請你做話劇，我唸會係今次演出既遺憾。 Kenix: 估唔到你上台既演出咁出色，為我地部門爭光不少。雖然今次唔算太多付出，但係唔緊要架，我知你會成長，到期時你都可以做到一個理想既Good Show。 Mandy: 好多謝你定時都能提醒我去善用資金，無疑你既意見能給我好多反思的空間，俾我知道點樣用最有限既資源去做最佳既表現。 William: 多謝你給予我們無限量的支持及信任。你對我們的信心使我們能勇於創新，而今年話劇的演繹方式更得到很多稱讚的回響！ 冒險王： Gary,Fanny,Freeman, 建國, 志, 飛龍, 小J真係好多謝你地同我地一齊癡呀。真係有D唔好意思架，要你地放假都幫我地度稿，開會。你俾左一個好難忘既回憶我呀！多謝你呀！你地咁多個都好鬼死有創意，依點我地都做唔到！謝呀~ MIS傑仔&文瀚 好多謝你地部門挺身而出，出手相助呀~你地俾左好多技術支援我地先可以全程都咁Smooth。特別係傑仔由初賽既攝影師到決賽既音響都好落力。 AVC Kingki 真係勁啦你，幫我地製作咁多唔同效果既音樂。D歌出黎既效果真係無得頂呀~參賽者好鍾意你整俾佢地既音樂~ 評判： 在此感謝初賽評判(Gary,Ben,Patrick,Crystal.Harmony,Jolly & Mandy)與及決賽評判(Nic,Eric,Herman & Joey) 給予我們無限量的支持及作出一個公平的評審。 Purchasing部門 多謝Purchasing全體人員提供各種支援，特別是各項的小食品，糕點。 Neway Star 謝謝Crystal & Me的幫忙，HotCha的表演令比賽增加不少娛樂性，期望可以繼續與你們合作。 義工隊 特別感謝攝影師，超級場務及超級接待員的到場協助。有賴你們在比賽的幫忙，我們才能營造出美麗的舞台效果。 | 
